LIGland Episode 5

LIGland episode 5:

 

Die gesegde “stil bly is ook ‘n antwoord” het die laaste tyd nuwe betekenis vir ons. “ Mamma die maatjie sê lelike woorde van juffrou, dan loop ek maar net weg, want ek wil nie hê iemand moet dink dis ek wat dit sê nie”. 

“Mamma ek weet sy jok, ek weet sy het nie OP swem gekry nie, maar sy vertel vir almal sy het.” Dan bly ek maar eerder net stil mamma, ek wil nie lelik wees nie.”

“Mamma hoekom jok mense oor hulle punte? Ek weet hy het minder gekry, maar dan vertel hy vir almal ‘n jok storie. Ek bly maar eerder stil mamma ek wil nie lelik wees nie.”

 

Dis net van die stories wat ons deurwerk op die oomblik. En dis mos hoe ons ook ons kinders groot maak. Bly eerder net stil, loop eerder net weg, moenie terug praat nie, draai die ander wang….

 

Ek bevraagteken wel hierdie die laaste tyd, want  ons leer dit vir ons kinders, maar as ons as grootmense deur situasies gaan waar ons onwaarhede hoor of as ons in situasies is waar ons “aangespreek” word oor iets is die eerste reaksie mos dadelik, wat kan ek nou terug sê? En die maklikste is om ‘n Whatsapp te stuur, want aanlyn is die moed baie sterker, kom die woorde baie makliker en sal ek jou goed vertel waar Dawid eintlik die wortels begrawe het. 

 

Ek dink terug aan jaaaare gelede toe daar nog nie eers iets was soos fone, dan moes jy maar in jou kwaad ‘n brief skryf en oor 3 maande sal die ander een die stukkie van jou gedagtes kry. Lankal vergete waaroor jy nou eintlik kwaad was. 

 

Ek doen so bietjie navorsing oor “stil bly is ook ‘n antwoord” en daar is soveel wyshede wat ek leer. Bêre jou woorde vir die mense wat jou graag wil verstaan; stilte werk beter vir die res.

 

Hierdie les leer ek ook vir my kinders, as iemand iets sê of as iemand jou boodskap, moet asseblief nie dadelik antwoord nie. Dink mooi, maak seker vóór jy praat, want as woorde gesê is, is dit gesê… veraltyd. 

 

Dis so fyn lyn, want ons wil tog ook hê dat hulle moet kan opstaan vir wat reg is. Ons wil hê hulle moet die selfvertroue hê om te sê, “nee dis nie mooi om dit te sê nie”, en terselfdetyd wil ons hulle leer om ander te respekteer. Ek lees so mooi stukkie…. “normalize walking away in silence”…

Not every battle needs a response, especially with someone who’s too prideful to admit their faults and is quick to flip the blame on you. Sometimes the quiet cut-off is the healthiest choice – it protects your peace, saves you from endless arguments, and keeps you from toxic cycles. Protect your energy even if it means saying nothing at all.

 

En dit maak soveel sin. In elke situasie evalueer eers. Is my reaksie hierop regtig nodig? Is my vrede belangriker as om die laaste woord in te kry?

 

En ja soms wil ek vir my kinders leer om op te staan vir hulleself, om hulle sê te sê , om standpunt in te neem. Dan besef ek net weer soms is stil bly die beste antwoord. Bêre jou woorde vir mense wat jou wil verstaan, stilte werk beter vir die res.

Comments

Post a Comment

Popular posts from this blog

LIGland Episode 1

Nuus vanuit die Landsberg huis,                                      So die laaste twee weke is redelik dol in ons huishouding. Dis sporttoere, pannekoek stalletjies, sportwedstryde, take, entrepeneursdae, wiskundeklasse, toetse en die beskuitbak is leeg en almal vra mamma wanneer bak jy weer beskuit.   Te midde van al die dinge moet mamma hospitaal toe  vir ‘n prosedure. Regtig Here, hierdie was nou nie op my “to do list” vir die maand van April nie. Alles gesê, dit moet  nou  gedoen word en agter die rug kry.   Die lewe gaan voort, kop af en dryf. Die take moet gedoen word, die wiskundeklasse moet bygewoon word en nog steeds is die beskuitblik leeg.   As daar nou een lessie is wat ek nooit sal vergeet nie is wat my ouma een keer vir my gesê het terwyl ons gestaan en suiker ...
Read more

LIGland Episode 4

Vir die laaste paar jaar stap ek ‘n pad met ouers oor grense vir hulle kinders. Ons almal ken dit mos maar as “boundaries”. Vir die wat meer wil weet kyk bietjie uit vir my “boundaries with love/ genade grense” werkswinkel. Hierdie was nog altyd baie na aan my hart. Kinders se dissipline, wat werk vir watter kind, wat werk nie. My kennis hieroor is nogal uitgebrei, want dis vir my lekker om navorsing te doen hieroor en ek dink 20 jaar in die onderwys dra ook seker by daartoe.   Die laaste week of so is dit egter volwassenes wat kom raad vra oor “boundaries” in hulle volwasse lewens. En ek besef net dat maak nie saak hoe oud ons is nie daai boundaries is nodig, dis noodsaaklik. Hierdie lessie het ek ook al ‘n paar keer geleer en gewoonlik ten koste van myself en my gesin. Dis so hartseer.    Ons is tog grootgemaak in  afrikaanse, Suid-Afrikaanse huise waar jy van kleins af geleer, en gedril word. Jy moet help as iemand vrae, as jy het om te gee, moet jy gee. Dis ...
Read more

LIGland Episode 2

Episode 2:   Mammmmmaaa. “Daai aloe scrub van my is op, sal jy in die 60/60 mandjie sit”.  Ekskuustog Simon? “Mamma, my aloe scrub is op, sal jy ASSEBLIEF in die 60/60 mandjie sit”. “Als reg boeta, mamma sit in”.   In die verby stap in die kombuis kry ek vir Benn voor die yskas. Na ‘n paar sekondes se staar in die yskas hoor ek net. “ Hier is NIKS in die huis nie”. “ My genade seun, NIKS, is jy seker”. “Kyk in die hoekkas, daar waar al die lekkers gebêre word”, “ek het en daar is ook NIKS nie. “Ek sal nou kyk Benn, dan sal ek in die 60/60 mandjie sit.”   So gaan dit in die LIGland huis. Almal kort gereeld iets, almal is altyd lus vir iets lekker, seker maar my eie skuld want hulle soek altyd “huis kos”, niks moet uit ‘n blikkie of ‘n pakkie kom nie. “ Mamma, ek kort tippex, die pen een, nie die een wat jy so moet trek nie, as mamma bestel. Ekskuus Katryn, ASSEBLIEF mamma”. Regso sus, ek sit in die mandjie.   Ek help so rukkie terug by ‘n skooltjie in Helenvale. ...
Read more